Mujhay tujh se mohabbat hai

Mujhay tujh se mohabbat hai, magar main keh nahi sakti
Teri har pal zarurat hai, magar main keh nahi sakti.
Sukoon_e-dil hua gourat, urri raaton ki needain bhi,
yeh sab teri badaulat hai, magar main keh nahi sakti.

Bohat masroof rehti hoon, magar teray liye jaana,
Mujhay fursat hi fursat hai, magar main keh nahi sakti.

Judaa reh kar bhi zinda hoon, magar yeh bhi haqeeqat hai,
Judaa rehna qayamat hai, magar main keh nahi sakti.