Hathon ki lakeeron pey / Malika Poetry

Hathon ki lakeeron pey,

Guftugo jab chal nikli,

Tab udas lehjay mein,

Main ne us se pocha tha,

Nazar mujh ko nahi aata,

In uljhi lakeeron mein,

Tumhara Naam bilkul b,

Chalty chalty us ne ye,

Kaan mein youn bola tha,

Lakeerein jhot hoti hain,

Tumharay Sath hon main To,

Tumhary paas hun main to,

Zarori to nahi hota,

Muqaddar ho lakeeron mein,

Ye Be'wafa lakeeren hain,

Lakeeren bus lakeeren hain,

Aitbar mat krna

Be'wafa lakeeron pey,

Magr wo jhot kehta tha,

Natija ye k us ka Sath,

Nahi baaqi raha lekin,

Lakeeren Ab B Baqi Hain,

Lakeeren Ab B Baqi Hain.....